News
በኬሚካል ኢንዱስትሪ ኮርፖሬሽን የሙገር ሲሚንቶ ፋብሪካ የሰው ሃብት የችሎታ ማሳደጊያ ስርአት
በኬሚካል ኢንዱስትሪ ኮርፖሬሽን የሙገር ሲሚንቶ ፋብሪካ የሰው ሃብት የችሎታ ማሳደጊያ ስርአት (Talent Development System) እና የስራ አፈፃፀም አመራር ስርዓት (Performance Management System) በአዲስ አበባ ዩኒቨርሲቲ በማስጠናት ወደ ሙሉ ትግበራ ለመግባት እንዲረዳ በዩኒቨርስቲው መምህራን ለፋብሪካው ከፍተኛ እና መካከለኛ ማኔጅመንት የግንዛቤ ማስጨበጫ ስልጠና የተሰጠ ሲሆን በስልጠናው ላይ የኮርፖሬሽኑ ከፍተኛ አመራሮች መገኘት ችለዋል፡፡
የማእድ ማጋራት እና ለ2019 የትምህርት ዘመን ለተማሪዎች የትምህርት መማሪያ ቁሳቁስ
የሙገር ሲሚንቶ ፋብሪካ ለአደአ በርጋ ወረዳ የ2019 ዓ.ም አዲስ አመት በዓል ምክንያት በማድረግ ድጋፍ ለሚፈልጉ ነዋሪዎች የማእድ ማጋራት እና ለ2019 የትምህርት ዘመን ለተማሪዎች የትምህርት መማሪያ ቁሳቁስ ድጋፍ አድርጓል፡፡ ድጋፉን የወረዳው አስተዳዳሪ አቶ ከበደ በቀለ እና የሙገር ሲሚንቶ ፋብሪካ የፋሲሊቲ ሰርቪስ ቡድን መሪ አቶ ግርማ ሃይሉ ለተጠቃሚዎች ሰጥተዋል፡፡
የ2018 በጀት ዓመት አፈጻጸም እና የ2019 በጀት ዓመት ዕቅድ
ሙገር ሲሚንቶ ፋብሪካ የ2018 በጀት ዓመት አፈጻጸም እና የ2019 በጀት ዓመት ዕቅድን አስመልክቶ ከሰራተኞች ጋር ዓመታዊ ውይይት መስከረም 09/2019 ዓ.ም በዋናው ፋብሪካ ተካሂዷል፡፡ የፋብሪካው አመራሮች፣ የኬሚካል ኢንዱስትሪ ኮርፖሬሽን ከፍተኛ የስራ ሃላፊዎች፣ የኮርፖሬሽኑ ተጠሪ ተቋማት ዋና ሥራ አስኪያጆች፣ ሠራተኞች እንዲሁም ጥሪ የተደረገላቸው የአደአ በርጋ ወረዳ አስተዳዳሪ እና አመራሮች፣ ከፍተኛ የፀጥታ አመራር አካላት እና አባገዳዎች በፕሮግራሙ ላይ ተገኝተዋል፡፡ በእለቱ የፋብሪካው ዋና ስራ አስኪያጅ ኢንጂነር ገዛኸኝ ደቻሳ እንግዶቹን እና የፋብሪካውን ሰራተኞች የእንኳን ደህና መጣችሁ ንግግር ካደረጉ በሃላ ፕሮግራሙ በአባ ገዳዎች ምርቃት ተከፍቶ የፋብሪካውን የ2018 በጀት ዓመት አፈጻጸም ሪፖርት እና የ2019 በጀት ዓመት ዕቅድ ቀርቦ በሰራተኞች ለቀረቡት ጥያቄዎች በፋብካው ዋና ስራ አስኪያጅ ኢንጂነር ገዛኸኝ ደቻሳ እና የኮርፖሬሽኑ የፕሮጀክት እና ኦፕሬሽን ዘርፍ ምክትል ዋና ሥራ አስፈጻሚ ዶ/ር ለማ ደንደና ምላሾች ተሰጥተዋል፡፡ እንዲሁም የኢንዱስትሪውን ሰላም ከማስጠበቅ አንፃር ለቀረቡት ጥያቄዎች ከፀጥታ አካላት እና ከወረዳ አስተዳዳሪው ምላሽ ተሰጥቷል፡፡ በእለቱ በ2018 በጀት ዓመት በፋብሪካው ከፍተኛ የስራ አፈፃፀም ላሳዩ የስራ መሪዎች እና ሰራተኞች፣ ለፋብሪካው ከፍተኛ አስተዋፅዖ ላበረከቱ ለኮርፖሬሽኑ የስራ ሃላፊዎች እና ለባለድርሻ አካላት ሽልማት እና የእውቅና ምስክር ወረቀት በፋብሪካው ተበርክቶላቸዋል፡፡
ሙገር ሲሚንቶ ፋብሪካ የሰራተኞች ዓመታዊ በዓል
ሙገር ሲሚንቶ ፋብሪካ የሰራተኞች ዓመታዊ በዓል ላይ 18 ዘመናዊ ሰራተኞች የመኖሪያ ቤት እንያንዳንዳቸው ሁለት መኝታ ቤት፣ ሳሎን፣ ኪችን፣ የመፀዳጃ ቤት እና የራሳቸው የመኪና ቆሚያ ያላቸው ዘመናዊ የመኖሪያ ቤቶችን በዋናው ፋብሪካ አስገንብቶ በፋብሪከው ዋና ስራ አስኪያጅ ኢንጂነር ገዛኸኝ ደቻሳ እና የኮርፖሬሽኑ የፕሮጀክት እና ኦፕሬሽን ዘርፍ ምክትል ዋና ሥራ አስፈጻሚ ዶ/ር ለማ ደንደና አስመርቋል፡፡
ማእድ ማጋራት
ሙገር ሲሚንቶ ፋብሪካ ለ 2019 የዘመን መለወጫ በአል ትኩረት ለሴቶች እና ለህፃናት ማህበር የእንኩዋን አደረሳቹ ማእድ ማጋራት አበርክቱዋል፡፡
የአረንጓዴ ዐሻራ
ዘንድሮው የአንድ ጀምበር የአረንጓዴ ዐሻራ 800 ሚሊዮን ችግኞችን በሃገር አቀፍ ደረጃ ሀምሌ 27 ቀን 2018 ለመትከል በተያዘው መርሀ ግብር መሰረት በሙገር ሲሚንቶ ፋብሪካ የፋብሪካው ከፍተኛ የስራ ሃላፊዎች፣ የአደአ በርጋ ወረዳ አስተዳዳሪዎች፣ የኢትዮጵያ መከላከያ ሰራዊት እና የፋብሪካው ሰራተኞች በተገኙበት የተለያዪ ችግኞችን በፋብሪካው ጊቢ ውስጥ በማፍላት/በማዘጋጀት የመትከል ስራ ተከናውኗል፡፡ እንዲሁም በታጠቅ ቅርንጫፍ የኮርፓሬሸኑ እና የፋብሪካው አመራሮች እና ሰራተኞች ችግኝ የመትከል ስራው ላይ ተሳትፈዋል። በተጨማሪም በሙገር አካባቢ ለሚገኙ የአካባቢው ነዋሪዎች በጃሊሳ ችግኝ ጣቢያ ከተዘጋጁት ውስጥ ብዛታቸው 144,870 የተለያዩ ችግኞችን በነፃ ለማከፋፈል የተቻለ ሲሆን ይህም የችግኝ ዓይነት እና ብዛት .ቡና=25,200 ፣ ሎሚ=6,800፣ ፓፓያ=11,450፣ ግራቪሊያ=70,000፣ ዘይቲን=15,340 እና ግሽጣ=16,080 ናቸው።
የኢትዮጵያ ታምርት ኤክስፖ
የኢትዮጵያ ታምርት ኤክስፖ ዛሬ ሚያዝያ 25 ቀን 2018 ዓ.ም ክቡር ጠቅላይ ሚ/ር ዶ/ር አብይ አህመድ በተገኙበት ተከፍቷል:: በኬሚካል ኢንዱስትሪ ኮርፓሬሽን የሙገር ሲሚንቶ ፋብሪካ የኤክስፓ ተካፋይ በመሆን ምርቶቹን ለተጠቃሚዎች በማስተዋወቅ ይገኛል።
ሙገር ሲሚንቶ ፋብሪካ ISO 9001:2015 የጥራት አስተዳደር ሰርተፊኬት ባለቤት ሆነ!!
ሙገር ሲሚንቶ ፋብሪካ ISO 9001:2015 የጥራት አስተዳደር ሰርተፊኬት ባለቤት ሆነ!! በኬሚካል ኢንዱስትሪ ኮሮፖሬሸን ሙገር ሲሚንቶ ፋብሪካ ደንበኞቹን ለማርካት፣ ለሀገሪቱ ዘላቂ ልማት የበኩሉን አስተዋፅኦ ለማበርከት እና ከደረጃ በታች የሆኑ ስራዎች ጋር ባለመደራደር በአለም ላይ ብቁ ተወዳዳሪ ሆኖ ለመገኘት በመስራት ላይ ይገኛል፡፡ ሙገር ሲሚንቶ ፋብሪካ ሁሉንም አስፈላጊ የሆኑ ደረጃዎች የሚያሟሉ ሲሚንቶ እና ተዛማጅ ምርቶችን አምርቶ በማቅረብ በISO 9001:2015 የጥራት ስራ አመራር ሰርተፊኬት ጥራታቸውን ጠብቆ በሚያመርታቸው እና በሚያቀርባቸው OPC (42.5 N) እና PPC (32.5 N) ከእ.ኤ.አ ህዳር 28/2025 ጀምሮ ባለቤት መሆን ችሏል፡፡ ፋብሪካው በቀጣይ የጥራት አስተዳደር ስርዓት መመሪያ መርሆችን በመጠቀም ሙሉ በሙሉ የደንበኞቹን ፍላጎት በማሟላት፣ በየደረጃው መፍትሄ በመስጠትና በማገልገል ሃላፊነቱን ያረጋግጣል፡፡
የሙገር ሲሚንቶ ፋብሪካ የኢትዮጵያ የተስማሚነት ምዘና ድርጅት
በኬሚካል ኢንዱስትሪ ኮሮፖሬሽን የሙገር ሲሚንቶ ፋብሪካ የኢትዮጵያ የተስማሚነት ምዘና ድርጅት ከህዳር 26-28/2017 ዓ.ም ድረስ “ጥራት፡ መስፈርቶችን ከማሟላት ወደ ላቀ አፈጻጸም ብቃት!” (Quality: From Compliance to performance) በሚል መሪ ቃል በተዘጋጀው ኢግዚቢሽን እና የፍተሻ ላብራቶር ላይ ተሳትፎ በማድረግ እንዲሁም የብር ስፖንሰር በመሆን ላደረገው አስተዋፅዖ የምስክር ወረቀት ተበርክቶለታል፡፡Dec...9/2024
